Umferðarvefurinn

Viðfangsefni umferðarfræðslu

Viðfangsefni umferðar­fræðslu

Umferðarfræðsla er órjúfanlegur þáttur í skólastarfi og uppeldi barna okkar. Umferðarfræðsluna má samþætta við aðrar námsgreinar og er það  undirstaða þess að fræðslan fái sinn sess í skólastarfinu. Skólinn hvetur nemendur til að tileinka sér heilsueflandi samgöngumáta t.d. að koma gangandi eða hjólandi í skólann. Á þann hátt tryggjum við m.a. meira umferðaröryggi.

Grundaskóli er móðurskóli í umferðarfræðslu og hefur verið frá árinu 2005 þegar fyrsti samningur þess efnis var undirritaður. Hlutverk skólans er að vera öðrum grunnskólum á Íslandi til fyrirmyndar og til ráðgjafar á sviði umferðarfræðslu. Grunnskólum í landinu stendur m.a. til boða að fá verkefnastjóra umferðarfræðslu í heimsókn með kyninngu á efni umferðarfræðslunnar þeim að kostnaðarlausu. 

Allir sem ferðast um á reiðhjóli eiga undantekningarlaust að vera með hjálm á höfði og hafa viðeigandi ljósabúnað á reiðhjóli. Hjólin eiga að vera læst í hjólagrindum á skólatíma, enda tekur skólinn ekki ábyrgð á þeim. Hið sama gildir um hjólabretti, hlaupahjól, línuskauta og rafvespur.

Fræðslan er bundin við hverja árstíð. Nánari áhersluþætti og útfærslur fyrir hvert stig er að finna í kennsluáætlunum hvers árgangs.  

Helstu árlegu verkefni sem tengjast umferðarfræðslu: 

  • Átakið „Göngum í skólann“. Ýmis verkefni unnin í öllum bekkjum. Í lok átaksins er sameiginleg gönguferð þar sem eldri nemendur aðstoða yngri nemendur.

  • Gerð fræðslumyndbanda.

  • Umferðarþema á haustdögum. 3-5 dagar þar sem allur skólinn tekur þátt.

  • Skólinn gefur öllum nemendum endurskinsmerki í október.

  • Gangbrautarvarsla 10. bekkjar. Fyrsta skólavikan og síðan frá byrjun nóvember til mars.

  • „Ég og umferðin, öruggasta leiðin frá heimili í skóla.“ Gengið að hverju heimili og umferðarreglur skoðaðar í leiðinni. Eldri nemendur aðstoða yngri nemendur.

  • „Hjóladagar“ í maí. Þrautabraut sett upp – hjólaverkstæði og þvottastöð.  Heimsókn lögreglu.

  • „Hvalfjörðurinn hjólaður.“ Unglingadeild og foreldrar hjóla saman í maí.

  • „Hjóladagur“ hjá öllum bekkjum skólans í júní.

  • Þemadagar á vordögum (hjólaferðir – umferðarfræðsla).

Helstu áhersluþættir í umferðarfræðslu:

  • Umferðarreglur fyrir gangandi, hjólandi (þ.m.t. bretti, hlaupahjól og línuskautar) og akandi vegfarendur.

  • Tillitssemi og umburðarlyndi í umferðinni.

  • Umferðarmerki.

  • Að rata um umhverfi sitt.

  • Öruggasta leiðin í skólann í samvinnu við yngsta stig.

  • Gangbrautir.

  • Gangbrautarljós.

  • Götur/vegir án gangbrauta.

  • Strætisvagn – skólarútan.

  • Öryggi í umferðinni.

  • Öruggar gönguleiðir.

  • Öruggar reiðhjólaleiðir.

  • Örugg svæði fyrir hjólabretti, hlaupahjól og línuskauta.

  • Örugg leiksvæði.

  • Öryggisbúnaður – Hverjir selja/gefa öryggisbúnað?

  • Reiðhjólahjálmar.

  • Öryggisbelti.

  • Öryggi/hræðsla við að ferðast á milli staða – að geta bent á og nefnt ýmsa þætti í umhverfinu sem hafa áhrif á líðan.

  • Skyndihjálp.

  • Hverjir hjálpa – 112.

  • Bílpróf.

  • Kostnaður við að eignast og reka hjólabretti, reiðhjól, létt bifhjól og bifreiðar.

  • Að taka sjálfstæðar ákvarðanir – hópþrýstingur – fyrirmyndir.

  • Auglýsingar sem tengjast tækjum og búnaði.

Árleg viðfangsefni að hausti og vetri:

  •  Öruggasta leiðin í skólann í samvinnu við yngsta stig.

  •  Strætisvagnar, skólabílar og almennar bifreiðar (biðskýli, öryggisbelti).

  •  Endurskinsmerki.

  •  Hjóla- og öryggisbúnaður (hjálmar og ljós).

Árleg viðfangsefni að vori og sumri:

  • Hjóla- og öryggisbúnaður (hjálmar og ljós).

  • Línuskautar, hlaupahjól og hjólabretti (hlífar og hjálmar).

  • Rafvespur og öryggi.

Þemadagar að hausti:

Á haustdögum fara allir nemendur skólans í sameiginlegt umferðarþema sem varir 3-5 daga. Áhersla þemans er kynnt fyrir nemendum og teknar eru fyrir ýmsar reglur og verkefni tengt umferðarfræðslu. Mikil samvinna á milli árganga/stiga fer fram á þemadögunum.

Mikið er um samþættingu við aðrar greinar sem og vettfangsferðir í tengslum við þemadagana.

Fyrirlestrar:

Á hverju ári er leitast við að bjóða nemendum 10. bekkjar upp á fyrirlestur þar sem einstaklingur kemur í heimsókn í skólann og segir frá reynslu sinni af umferðarslysi eða óhappi og hvaða afleiðingar það hafði fyrir hann.

Endurskinsmerki að gjöf:

Á hverju ári gefur skólinn öllum nemendum sínum endurskinsmerki og minnir þannig á mikilvægi þess að vera sýnileg í umferðinni.

Hjóladagar að vori:

Á hverju vori eru þemadagar þar sem nemendur vinna með hjól og hjólreiðar. Verkefnið er unnið í samvinnu við íþróttakennara og eldir nemendur skólans. Sjá nánari útfærslu á hjóladögum hér.

Gangbrautarvarsla 10.bekkja:

Nemendur 10. bekkjar sjá um gangbrautarvörslu á gangbrautum við skólasvæðið. Nánari útfærsla er hjá verkefnastjóra grundaskoli@grundaskoli.is

Göngum í skólann:

Skólinn tekur árlega þátt í átakinu „ Göngum í skólann “. Verkefnið er unnið í september og hluta af október.

Helstu verkefni

  • Rætt er við alla árganga við skólasetningu og nemendur hvattir til að ganga eða hjóla í skólann. Farið yfir öruggustu aðkomu bíla að skólanum.
  • Könnun gerð í ákveðinn tíma á ferðamáta nemenda og starfsmanna í skóla og vinnu, tekið saman í tölum og myndum og eru niðurstöður birtar og borið saman á milli ára.
  • Ýmis verkefni unnin í ákveðnum árgöngum. Nánar hjá verkefnastjóra eða á síðu verkefnisins.
  • Á alþjóðlegum degi átaksins fara allir nemendur og starfsmenn skólans saman í gönguferð   þar sem eldri nemendur aðstoða yngri nemendur. 



kennarar Created with Sketch.