Umferðarvefurinn

Hjóladagar

Hjóladagar

Hjólað í skólann

Tilvalið er að vinna þetta verkefni í samvinnu við íþróttakennara ásamt nemendum 8. – 10. bekkjar.  Hjólaþema gæti t.d. verið í  eina viku á vori og fengju eldri nemendur að taka þátt í skipulagningunni.

Hér má sjá myndband frá hjóladögum í Grundaskóla á Akranesi en það gæti gefið kennurum hugmynd um hvernig útfæra má hjóladagana.

Hugmyndir að hjólatímum:

Flökkuhjól: Vikuna fyrir hjóladagana „flakkar“ reiðhjól um skólann með ýmsum verkefnum tengdum hjóli og hjólreiðum. Á reiðhjólið er hengdur kennslupakki fyrir ca. eina kennslustund. Umsjónakennarar panta „flökkuhjólið“ þann tíma sem það hentar þeim að vera með fræðslu og verkefnavinnu tengda reiðhjólinu. Í kennslustundinni er farið yfir allt það helsta sem þarf að vera á hverju hjóli og einnig er farið yfir helstu reglur og öryggi. Lögð er áhersla á að hjóla alltaf hægra megin á gangstétt og nota bjölluna þegar fara á fram úr gangandi vegfaranda.

Aðilar frá Hjólafærni af komið í skólana og haldið  námskeið fyrir nemendur.  Þar læra nemendur allt það helsta sem þarf að hafa í huga við almennt viðhald á reiðhjóli samkvæmt eftir gátlista. Nemendur læra margt í tengslum við reiðhjólið, m.a. hvernig best sé að stilla hjálminn og hnakkinn og fleira varðandi öryggisatriðin.   

Hjólatímarnir: Nemendur 1. – 7. bekkjar mæta á hjólum, með reiðhjólahjálm og endurskinsvesti í tvo íþróttatíma í sömu vikunni.

  • Fyrri hjólatíminn: Farið yfir ástand hjólsins.  Pumpað, smurt, þrifið og svo er hjólið skoðað með gátlista sem nemendur fara með heim. Einnig eru hjálmar, stýri og hnakkur stillt rétt.

  • Seinni hjólatíminn: Hjólaleikir og þrautabraut undir stjórn íþróttakennara. Nemendur 8. – 10. bekkjar sem fóru á hjólafærninámskeiðið aðstoða einnig nemendur í þrautabrautinni. Íþróttakennarar stjórna ýmsum æfingum og leikjum á hjóli. 

Nemendur þjálfa hjólafærni bæði í þrautabraut sem og í leikjum og æfingum hjá íþróttakennara.  Nemendur læra að haldi hjólinu sínu betur við þannig að ending þess verður betri og öryggi eykst. 

Á  www.nams.is má finna lýsingar á hjólatímum og hjólaleikjum. Þar er að finna „Hjólum og njótum“ og „Hjólum meira og njótum“. Um er að ræða myndbönd og kennsluefni. 



kennarar Created with Sketch.